DUBRA FEMENINO 1-BARBADÁS 2 (MAS DIFICIL DE LO ESPERADO)

PULSA PARA AMPLIAR IMAGENES. 

Barbadás: P. House, María, Abi, Su, Jani, Cris, Albinha, Mónica, Mendi (m.55 Noelia), Emma e Alba (m. 70 Nuria)

Hoxe as nosas mozas sufriron para conseguir unha vitoria que pola diferenza na clasificación entre os equipos podería parecer sinxela, pero non foi así, xa que era moi díficil xogar nun campo que non chegaba a 90 metros de longo nin a 50 metros de ancho.
Comezamos o partido cun dominio claro e aos poucos minutos Cris lanza unha falta que bota antes de chegar a portería e debido a que o campo estaba rápido pola choiva fai que a porteira local non poida atallar o balón. Tiñamos o partido controlado pero nun erro na saída do balón Abí dá un pase comprometido a María á que lle robán o balón e fan o 1-1. O partido era bastante "trabado" xa que non había espazos para o futbol combinativo e aínda que tíñamos o dominio do balón non dispoñíamos de moitas oportunidades claras, ata que mediada a primeira parte Albiha pasa a Emma que soa ante a porteira local fai o 1-2. Faltando 5 minutos para o descanso Alba cruza o balón ante a saída da porteira local e aínda que o balón xa entraba Albinha quixo aseguralo e o gol foi anulado por un "dubidoso" fóra de xogo. No comezo da segunda parte parecía que pronto poderiamos "matar" o partido xa que Emma en dúas ocasións plantouse soa ante a porteira local pero en ambas as ocasións fallou. Segundo ía avanzando o partido este íase complicando xa que as locais meteron máis xente arriba e aínda que non conseguían crear perigo si había xogadas "embarulladas" que en calquera momento poderían darnos un desgusto; ademais o árbitro segundo pasaba o tempo máis tentaba "dar unha axudiña" ao equipo local e pitábanos continuas faltas en contra e ningunha a favor; aínda así apenas pasamos apuros até o final do partido. Non foi o noso mellor partido, pero aúna así fixemos méritos suficientes para gañar mesmo por máis goles.