EL FEMENINO SALE DE "A TASCA" DE RIBEIRA CON TRES PUNTOS MUY IMPORTANTES

ARRIBA IMAGENES DEL AGUIÑO Y BARBADAS EN EL PARTIDO DE AYER. 

Imagen de archivo de Coira, autora de los dos goles. Un gran acierto la incorporación de esta futbolista que está resultando una pieza clave en esta temporada. 

XUVENTUDE AGUIÑO-1  BARBADAS-2

Barbadás: House, María (Su m.57), Abi, Paci, Jani, Cris, Coira, Mónica, Emma (Mendi m. 34), Vero (Nuri m. 85) e Albiña (Alba m. 57).

Magnifico resultado o obtido polo equipo feminino da U.D. Barbadás no campo de “A Tasca” en Ribeira, ante o Xuventude de Aguiño, un dos favoritos ao ascenso de categoría. Hoxe as nosas mozas saíron coa lección aprendida de fai 15 días da derrota sufrida ante o Orzán, un equipo moi similar en calidade e xogo ás de Ribeira e non cometemos os mesmos erros.

O equipo comezou o partido cunha concentración, intensidade e seguridade defensiva pouco habitual nas nosas, xa que usualmente somos un equipo que baseamos o noso xogo no fútbol combinativo e iniciando sempre en curto desde atrás o que fai que ás veces perdamos o balón en zonas próximas á nosa portería, pero hoxe apostamos por transicións rápidas e desprazamentos en longo buscando a Coira que ten un gran “poderío físico” para protexer e aguantar o balón e esperar a saída da nosa defensa e as incorporacións das nosas dende atrás que fixeron moito dano ao equipo local. No minuto 18 da primeira parte conseguimos o 0-1 por medio de Coira que levou un balón desde o medio do campo e cando estaba a uns 8 metros fora da área lanza un tiro raso e cruzado que entra pegado ao pau dereito da portería do Aguiño. No minuto 34 sufrimos un duro revés, xa que Emma tívose que retirar cun “pinchazo” nun abdutor e perdemos unha baza importante para o xogo que queríiamos realizar xa que a súa velocidade e definición eran moi importantes para o equipo. As locais baseaban o seu xogo en buscar a unha dianteira (*nº 11) cunha calidade, velocidade e potencia pouco habitual no fútbol feminino, pero a nosa defensa casí sempre se impoñía con constantes axudas das nosas centrais a Jani que era a que case sempre se as tiña que ver con ela. Faltando 2 minutos para finalizar a primeira parte, nun saque de banda ao noso favor, Jani saca a Cris cando estaba presionada por dous rivais, que lle rouban o balón e dende uns 15 metros fora da área a xogadora nº 11 consegue o 1-1 ao non poder House chegar ao balón por estar adiantada.

Comezou a segunda parte co Aguiño adiantando a defensa tratando de meternos no noso campo, o que facilitou o noso plantexamento, xa que seguimos coa mesma intensidade defensiva e cada vez que roubábamos o balón faciamos “rápidas contras” que facían dano ás locais. No minuto 59 recuperamos un balón a 15 metros da nosa área e Cris mete un pase raso polo medio da defensa local que estaba no medio campo, Mendi e Vero quedan paradas por estar en fóra de xogo e Jani entra desde atras pola esquerda, vaise soa en diagonal ata a portería local e o seu disparo é rexeitado pola porteira, pero Coira que acompañaba a xogada finaliza a porta baleira e fai o 1-2. De aí ata o final as locais desesperábanse porque non conseguían inquietar á nosa porteira e no minuto 78 expulsaron á súa mellor xogadora por insultar ao árbitro, o que xa foi definitivo e mesmo puidemos aumentar a vantaxe, xa que Vero tivo o 1-3 nunha "vaselina" que sacou unha defensa local.